دخول الحمام مش زي خروجه ، انطلاقا من هذا المثل العتيق والحكمة الضالة : P قام المصمم “هايكون دينج” ( ترى هذا اسمه الصجي مو طنازة لوول ) بتصميم هذا الاختراع اللي يفيد وبشكل كبير الناس اللي تحاتي وزنها ! (ايه اقصد البنات لوول) وهو عبارة عن كرسي ينحط على المرحاض ويقيس لكم الوزن قبل البتاع وبعد البتاع لوول
شاهدوا الصور .. وحمام الهنا لوول
اليوم في عندي أكثر من فنتج بوريكم اياه وكلهم يتعلقون في ديكور البيت وترتبيه … الصورة اللي فوق تعبر عن فنتقنا الأول وهو عبارة عن تغيير وتبديل لشكل (بالوعة) المغسلة أو تكرمون (المبولة) اللي بالحمامات العامة .. بدل ما تكون مثل شكلها الغثيث ، الدائري .. هذي فكرة لتغيير الشكل وتخليه على أشكال الوردة ، شوفوا الصور في آخر الموضوع …
في جامعة كامبرج تم الاعلان عن “أغرب ساعة في العالم” بواسطة البروفيسور ستيفن هاوكنج ، الغريب جدا في الساعة انها ما تملك أي عقارب أو أرقام ، وهي ساعة ميكانيكية بدون تدخل الكمبيوتر فيها وهي من صنع جون تايلر ، واللي رغب بأنه يصنع شي غريب .. وبالفعل أشوفه نجح في هالشي .!
الغريب جدا في الساعة وجود الحشرة في أعلاها (أظنها جرادة ولا شغلة) وهي تتحرك مع تحرك الساعة ، بسرعة الثانية .. جدا غريبه ، شاهد الفيديو ..
هذي مخاد على فكرة لعبة تركيب الكلمات “سكرابل” من تصميم Stephen Reed Design نزلت صورهم وفكرتهم من سنتين تقريبا ، والحين أصبحت فكرة مطبقة بإمكانك شراءها .
شكثر تصير ويانا ، نكون قاعدين بالصالة ولا بالدوانية وتكون حدك ميت من الحر ، واييك واحد بعز الحر جنه شايب “مستبرد” ويبي يقصر على التكييف أو يسكره .. الزبده يخرب عليك الجو لوووول . هذا المكيف أو وحدة التبريد مصنعة عشان السالفة هذي ، تقدر تركبها بنص الغرفة ، وتطلع لك الهواء من أربع جهات مختلفة ، الحلو فيها انك تقدر تتحكم في كل فتحة بشكل مستقل ! سواء انك تقدر تفتح أو تسكر .. أو تغير في درجة الحرارة .. تبيها باردة ولا حارة ..
بصراحة وايد عجيبة ، بس طبعا لازالت مثل ما يقولون حبر على ورق ، ونشوف متى تتصنع ، ونحل أزمة الأخ اللي مستبرد بعز الحر لوووول
شوفوا الصور .. تتوضح الفكرة أكثر..
” حافظ على سكوكتك ” أو “اصنع قفلك بنفسك” لوووووووووول ، هذي الـ Goatee saver عبارة عن ألة تحطها بحلجك وانت تحلق ، عشان تضبط لك السكسوكه وتطلع وياك مضبوطه ، بلا ما تروح حلاق ويشلعك بـ 5 دنانير ، وفر على نفسك واشترها بـ 20 دولار من الموقع .. وشوف الفيديو
عشنا وشفنا روبوت يتحرك ويمشي وممكن يتكلم .. بس روبوت يطامر ، ومسوينه من بطول السفن اب ! هذي يديده لوووول .. يقولكم ان طلبة في جامعة سيول الوطنية بكوريا الجنوبية صمموا روبوت من علب المشروبات الغازية باستطاعته القفز على الاماكن المرتفعة بواسطة سينسر مركب داخله يساعده انه يكتشف اللي جدامه ويحسب المسافة وبالاخير يطمر فوقها … شوفوا المقطع
الشكل اللي تشوفونه فوق .. مش صورة لقطرة تم التقاطها بشكل سريع مثل ما تشوفونه بكثير من الصور ، بالعكس هذا شي حقيقي مصنوع ! وهو عبارة عن ” كوب ، دولكه او إناء مع صينية ” !!
اي .. كل هالأمور تشوفونها بالشكل اللي في الصورة ، مقسمه بالطريقة التالية : الكوب هو أعلى شي في شكل القطرة وماخذ نصها ، الدولكه وهي بقية القطرة وصولا الى الموجات ، والصينية اللي هي بالفعل الموجات في الأسفل .
الصور راح توضح لكم الشكل بشكل كبير ..
من الشغلات الفنتوقيه اللي حصلتها اليوم “الساعة المغناطيسية” هالساعة يقولك ما لها عقارب أبدا ، فشلون تعرف جم الساعة ؟ حاطين فيها برادة حديد ، وحاطين تحت في الداخل مغناطيس ، فعشان تعرف الوقت .. شتسوي ؟ تقوم تهز الساعة وبرادة الحديد تتيمع بمكان الوقت .. لووول فكرتها حلوة وتونس ، وهي من تصميم Li Jianye .
عاد لحد ينقز ويقولي مو عملية .. لان في بعض الأمور ابداعية وحلوه والله ، ويكفيها هالشي .. صح مو عملية .. لكن يمعودين الوقت افتح تلفونك وتعرف ، عدل ؟
شوفوا صور للساعة ..
تعرفون اجياس الفقاعات ، اللي نسميهم الـ “بطبطبط” اللي يكونون مع الاجهزه الالكترونيه داخل الكرتون ، ونقوم “نبطبط” فيهم لما يخلصون ، وبعدين يحوشنا اكتئاب ونقوم “نعلجهم” من القهر لووول . Read more »