أحس ياتني رغبة حق القرقر .. وحبي أقرقر عليكم شوي ..

هالفترة أحسني ملخبط، نومي معتفس أنام العصر أقوم بالليل ، أظل قاعد لما أروح الدوام .. أرجع من الدوام أظل شوي ع النت حتى مالي خلق أتغدى وأحط راسي وأنام .. وهذا يومي صاير بالطريقة هذي .. ما احب جذي أبدا لأن عندي (تو دو لست) ولازم أنجزها هالأسبوع .. أتمنى هي اللي تكون الحافز لي عشان أعدل طريقتي في النوم ..

عاد تدرون المشكلة ان مرات هالروتين يخليني أسوي أمور وايد حلوة وأحبها .. لأني لما أقوم بالليل جني باتمان (ما بقول خفاش عشان بمدح نفسي لوول) ما يكون أحد قاعد فتقريبا آخذ راحتي في البيت بدون ازعاج أحد .. حتى ما ارتبط مع أي شخص .. وكذلك لو عندي شغل ما اقدر أسوي لأن كل المحلات مسكره لوول

فعموما .. بتكلم بمقتطفات عن الفترة اللي طافت ..

Read more »

هالموضوع بيحطم ناس وايد ، خصوصا اللي توه مطلع ليسنه ولا مو مترقع بسيارته لوووول .. في دراسة أجرتها شركة Kwik-fit متخصصة في قطع الغيار في بريطانيا عن موضوع: هل يمكن ان احد الجنسين يحكم على الطرف الآخر بسبب نوع وشكل سيارته ؟

فأوضحت الدراسة ان 75% من النساء يهمهم موضوع السيارة بدرجة كبيرة بل انها ممكن تحلل شخصيتك من سيارتك !! وبنفس الوقت ان 23% ممكن انهم ما يتقبلونك بسبب سيارتك ، وعلى العكس كانت النتيجة مع الرجال ان 40% منهم يهتمون كذلك في موديل السيارة ويعطي انطباعاته عن البنت اللي تسوقها .

وعلى صعيد هالدراسة قام موقع cars.com بإجراء مقابلات سريعة مع الناس من الجنسين ، يشوفون رايهم حول هالموضوع، شوفوا بالفيديو الأول ردة فعل الحريم وتوقعاتهم عن السيارة اللي يسوقوها الشاب ، وبالفيديو الثاني راي الشباب .. نشوف

Read more »

أصدر مكتب التأمين الوطني تقرير عن أكثر السيارات سرقة في أمريكا وهذا في عام 2007 ، ايه حطوا بالكم على سياراتكم خصوصا اللي في القائمة عاد ما قال التقرير السبب في هالبوقات هل فيها عيب تصنيعي ولا عاجبهم الشكل لوووول .. اهم شي سيارتي العزيزه مو وياهم << اصلا ودي تنباق وافتك منها لووول

شوفوا القائمة ..

Read more »

طلع الكمارو اليديد رسميا ٢٠١٠ .. منه ثلاث موديلات LS, LT, SS ، شوفوا الصور واللي يبي التفاصيل وصور اكثر بدقه عاليه يلاقيه بالمصدر تحت ، واترك حق بووليد اللاقط يعطينا شنو اليديد في الموديل لووووول .

Read more »

بدأت أخبار الجزء الثاني من فلم Transformers Revenge of the Fallen تخرج على الساحة ، أخبار حول ميزانية العمل وأنها ضعف الجزء الأول ، أخبار عن قوة القصة وأن بداية الفلم سيكون صدمة كبيرة وحبكة فتاكة في الأحداث .

ومثل ما تعرفون ان الفلم بالجزء الأول عرض الكمارو اليديد بعد انقطاعه .. لذلك ظهرت الاخبار في الجزء اليديد عن المواتر اللي فيه.. شوفوا الصور.. Read more »

قرأت اليوم في جريدة “الجريدة” خبر وصول Dodge Caliber SRT4 إلى الوكيل الملا والبهبهاني في الكويت ، وبحكم اني اول مرة اشوفها ابديت اعجابي الشديد فيها وبشكل السبورتي الرائع ، Read more »

للعلم انا من عشاق هذا الموديل FX واتمنى ان ربي يقدرني عليه واقدر اشتريه ، بس خل نتوظف . Read more »