Review: Angels & Demons
رحت أمس وشفت أول فلم كنت أنتظره لأفلام هذه السنة، كان ودي أشوف فلم روسل كرو State of Play لكن مو متحمس له مثل فلم توم هانكس، واللي للأسف كان خارج عن توقعي الشخصي، كنت أظن انه بيتغير عن “دافينشي كود” لكن أشوفه طلع بنفس مستواه إذا مو أسوء ..!
أولا شخصيا أنا ما قريت الكتاب لكن تقييمي هذا للفلم نفسه، الفلم عموما كقصة أشوفه ماخذ منحنى بوليسي وتحقيق جرائم وألغاز بشكل تقليدي جدا، لكنه أساسا بإطار تاريخي ثقافي يعتمد على التاريخ والرموز ، فيعطيك انطباع جديد حوله .
فكرة الجريمة وكيف انها بشكل تقليدي صايرة أكبر عيب شفته بالفلم، يتبع هالشي وجود ممثل متمكن مثل: توم هانكس في بطولة هذا الفلم! الغريب ان توم في السنوات الأخيرة في أفلامه يقدم أداء متواضع جدا، واختياراته ما هي موفقه حسب ما أشو، فاللي بقوله: توم هانكس ما قدم شي جديد في الدور أبدا!
أنتقل للشي الجيد، حبيت الموسيقى فيه وعجبني إخراج العمل كان روعة، وأشوف ان رون هاورد تغلب على عيب الجزء الأول بسبب طوله الزايد، لكن هالجزء كان من بدايته إلي نهايته يخليك مندمج معاه .
تقييمي:
7/10
هالكتاب اهو المفضل عندي من كتب دان براون
فلو شنو صار الفلم مستحيل ياخذ تقييم جيد عندي ;p
شكلي بنطره ديفيدي.. ما يستاهل سينما
صح مثل ما قلت جريمة بس أحداثها منطوية على خلاف تاريخي ديني
وبالنسبة للموسيقى من كثر ما هي عاجبتك اشوفك كنت تعزف معاهم لووول
دايما لا تحاولين تقارنين بين اي كتاب مع الفلم، لانه نادرا جدا ان يتوافقون !
مرات الكتاب يغلب ومرات الفلم يعطي صيت للكتاب!
ومثل ما قلت سابقا ان كل واحد فن وله مجاله الخاص فمن المستحيل المقارنة عموما
كتابة الكتب شي، وصناعة الافلام وعالم السينما شي ثاني
حسن:
لووول ايه شفت شلون
بسم الله الرحمن الرحيــم
أولاً : الفلم هذا عكس دافينشي كوود ب 180 درجه
لأن دافينشي كوود تاريخي ديني بحت بدون أكشــن و لا تشويــق
مجرد حوارات كثيره و معلومات كثيره جداً و لكن القصه كانت مميزه جداً جداً
و أهو تاريخياً يعتبر الجزء الثـاني لملائكة و شياطيـن كونها المغامره الثانيه لروبيــرت لانغدون مو الأولى مثل ما بيــنوه بالفلم الأخيــر
——————
ملائكة و شياطين روعه روعه كروايه و لكن كفلم أقل بكثير من الراوايه
و لكنها مميزه
عيب الفلم إنهم تخلوا عن شخصـيات كثيره للأسف و كانت مميزه جداً
منها رئيس مركز الأبحـاث كوهلر المقعد و إلي كنت أشك فيــه لي أخر صفحه من الروايه خصوصاً إنه يكره الديــن بشكل رهيب و ذلك لأن تدين والديــه هو سبب إعاقته
ثانياً : القاتل المأجور تجاوزا أكثر من نقطه مهمه أهمها إنه من سلاسة الحشاشين و تم إستأجاره كونه يكره الكنيسه و في ناس يعتبرونه مسلم بس الحشاشين مجموعة قتله مأجورين سابقاً
و إختطاف الحشاش لدكتوره فيتراا
و إكتشاف مخبأ الحشاش عن طريق روبيــرت مو عن طريق الكريديال باديجا
أصلاً باديجا يموت بالروايه و إلي ينتخب لمنصب البابا هوو الشخص إلي يعطي روبيــرت كتاب جاليليو
و في نقطه مهمه جدا جدا جدا تغاضوا عنها و إلي أهي سبب رئيسي بكل إلي صااااااااااار بالقصه
أساساً البابا المقتول يحب و يقدر العلم و دائما يقول إن للعلم فضل عليــنا و هذا الشيء كان ” يرفع ضغط ” سكرتير البابا و بعد فتره و بعد أكتشافه أبحاث فيترااا و تقبل البابا لهذه الأبحاااث يعصب السكرتير و بعدها يعترف له البابا إعتراف خطيــر
ألا و هوو إن البابا بالأساس أبووه بالحقيقه مو بالتبني
و هني يعصب الولد و يطلع و أبووه يناديــه لكن ما يرد عليــه و قتله على طوول
و الحقيقه الكامله تبيــن بالنهايه
إن البابا كان أبوه بالفعل لكن مو عن طريق الجماع المباشر ” لأ ” و لكن عن طريق طفل الأنابيب عشـان جذيه كان يقدر العلم و العلماء
بإختصار هذا سرد سريع للنقاط المهمه إلي تجاوزها للأسف مثل نقاط تجاوزوها بدافينشي كوود
القصه من أروع القصص و يكفي إني مسكتها من الساعه 11 بالليل لي 12 الظهر طقه وحده ما في فواصل سوى صلاة الفجر
أهلا جراح شاكر لك مشاركة الأكثر من رائعة وكوني ما قرأت الرواية أفدتني كثير جدا في مثل هالإضافة لعل الانتقاد الواسع الذي انتقدوه في فلم “دافنشي كود” يعود مرة ثانية ويتكرر “ملائكة وشياطين” وهو الحذف الكثير من الرواية.
بدأت أشك في أن الفلم تجاري ويريد كسب سمعته من الرواية ..!
وللمعلومية فقط ما أعرفه عن الحشاشين أنهم شيعة نزارية لهم اعتقاداتهم الغريبة العجيبة، فهم بشكل عام محسوبين من المسلمين.
وأعجبني بصراحة نفسك الطويل في القراءة .. عيل تقول بقعدة وحده ^^
ما شاالله عليك، ربي يعطيك الصحة، ويرزقنا مما آتاكم
تعبت و أنا أدور مدونكت عشـان أتالع الردود
ليش مو حاط خاصيه المتابعه بالرسايل عشان أقدر أعرف بالردود
المهم
دان براون مبدع و خياله واسع و إلي يقرى الروايه بيعيش أجواء أفضل من الفلم يعني بيتخيل الشخصيات بشكل دقيق
أنا أخالفك الفلم هذا مو تجاري بس الغلط إنهم غيروا بالقصه نوعاً
و هالتغيير أوقعهم بخطا فادح
لو تتذكر مقتل العالم الفيزيائي ” فيــترا ” بالفلم
كان مقتله بالمختبر مع العلم إن دخوله للمختبر كان لازم يكون بالمسح على العيــن و القاتل أستخدم عيــنه
طيب شلون القاتل إستخدم عيــن العالم و العالم داخل المختبر ” شلون دخل الحشاش ” ما قدرت أستوعب
بالقصه الأصليه محد كان يدري بالأبحاث إلا فيترا و بنته بالتبني إلي كانت في رحله وقت الحادث
و الجريمة صارت بمكتبه و لقوه ميت و عينه مشلوووعه
و القاتل أكيد راح للمختبر و أستخدمها و أخذ الماده
” بخصوص قرئتي للروايه بشكل متواصل ” مادري شنو أقدر أسميه بس حيل سيطرت علي بحيث إني صرت أهلوس و كله أكتب بردودي بالنت عن أختطاف و تفجيرات و كرادله و لما نمت حلمت بالقصه
, بشكل عام دان براون عنده شيء مميز و حالياً قاعد يعكف على روايه خاتم سليمان
راح تصدر شهر 8 القادم
بإذن الله
تحــيــاتي حجي
و ما أنصحك تقرى الروايه لأنك شفت الفلم خلاص
الفلم يا عبد الله له معاني اعمق من الجريمة اللي كانت بالفلم .
الفلم روعة ، واداء توم هانكس كالعادة يبهرني .
وفلم ستيت اوف بلي ، خطير خطير
أيمن:
ساعدني أشوفه بمنظور ثاني، شنو المعاني اللي شفتها بالفلم؟
انا مستوعب كل اللي فيه، بس ما شفته شي مثير بتاتا.
وستيت أوف بلاي، اسمح لي فلم سخيف جدا
مجرد تكرار لغيره من الأفلام :/
زين رديت تكتب يامعود.. بغيت امسح رابط المدونة اليوم
الصراحة انا ما شفت فلم دفينشي كود.. خبرك الهاردسك يبيله بلاك يديد وانا مالي خلق اييب واحد
عموما الفلم عجبني… والدليل نكي بالماسنجر
تحياتي….
i like it
that simple
بشوفه عشان توم هانكس
سواء كان كويس او لا
:]
ما اقدر نفسيا يكون فلم لتومي وماشفته
بعد ما اشوفه بقول رأيي
(– محد طلب
شكرا ع الريفيو
طبعا يا نوال لانه من غير الطبيعي انك تفوت فلم لشخص مثل توم هانكس
بس أتمنى يرجع مثل ما كان
طيب لو حصلته ديفيدي اعطيني :]