talking..talking..talking
أحس ياتني رغبة حق القرقر .. وحبي أقرقر عليكم شوي ..
هالفترة أحسني ملخبط، نومي معتفس أنام العصر أقوم بالليل ، أظل قاعد لما أروح الدوام .. أرجع من الدوام أظل شوي ع النت حتى مالي خلق أتغدى وأحط راسي وأنام .. وهذا يومي صاير بالطريقة هذي .. ما احب جذي أبدا لأن عندي (تو دو لست) ولازم أنجزها هالأسبوع .. أتمنى هي اللي تكون الحافز لي عشان أعدل طريقتي في النوم ..
عاد تدرون المشكلة ان مرات هالروتين يخليني أسوي أمور وايد حلوة وأحبها .. لأني لما أقوم بالليل جني باتمان (ما بقول خفاش عشان بمدح نفسي لوول) ما يكون أحد قاعد فتقريبا آخذ راحتي في البيت بدون ازعاج أحد .. حتى ما ارتبط مع أي شخص .. وكذلك لو عندي شغل ما اقدر أسوي لأن كل المحلات مسكره لوول
فعموما .. بتكلم بمقتطفات عن الفترة اللي طافت ..
..
أولا : شغلات وايد صارت لي .. من شهر تقريبا اشتريت سيارة Tahoe Z71.. شوفوا صورته بعد ما سبحته لووول
ثانيا: بعد ما صارلي أسبوع من اشتريت الايفون ثري جي .. جريت ديل بصراحة ، مستعل ولونه أبيض 16 جيج .. بـ 180 دينار !! وهو حيل نظيف شوفوا صورته
طبعا الأبيض حقي .. والأسود مو حقي 
..
خلال فترة النوم البطالي .. طلعت ترشيحات الأوسكار .. واللي كانت متوقعة فعلا .. لكني انصدمت من عدم ترشيح The Dark Knight لأفضل فلم .. أو حتى لأفضل مخرج لـ كرستفر نولان .!
كذلك أفرحني جدا ترشيح كيت وينسلت لأفضل ممثلة رئيسية .. اللي أشوفها فعلا تستاهلها ، وإذا ما خذتها بتكون خيبة ظن كبيرة بالأكاديمية !
وعلى هذا الصدد .. اللي هو ترشيحات الأوسكار .. قررت إني أشوف الأفلام المرشحة لأفضل فلم .. وإن قدرت بكمل لأحسن إخراج وتمثيل ..الخ عشان أقدر أرشح بنفسي .. ومشيت على هالشي فعلا !
وشفت فلم بنجامين بوتن ، للمخرج المتميز ديفيد فيتشر ، وبطولة النجوم براد بيت والمبهرة كيت بلانشيت .. طبعا بدأت في هذا الفلم لأنه كان صاحب أكثر ترشيحات 13 ترشيح شي هائل جدا ! والفلم بحق كاللوحة الفنية الرائعة الخلابة ! لكني ما أشوفه يستحق كل هالضجة الأوسكارية .. فعلا
وكذلك شاهدت الفلم المدهش الرائع Slumdog Millionaire هذا الفلم اللي أبهرني فعلا فعلا .. من سيناريو وقصة وإخراج .. شي يفوق الخيال والإبداع، راح أكتب حتما عنه مراجعة ..! واللي أشوفه بجدارة يستحق الأوسكار
وعلى ذلك ما راح أستعجل .. باقي عندي ثلاث أفلام: Milk - Frost/Nixon - The Reader
..
أممم خلال فترة الاختبارات اللي أعيشها في المدرسة حاليا .. تكتشف مدى ذكاء أبناءنا الطلبة - الله يحفظهم ويخليهم ذخر لهالديرة !- يمكن هالشي بفرد له بوست لحاله .. بس عشان أذكر لكم “اللطائف” والمواقف الحلوة اللي تمر علي أثناء التصحيح ..
س: اكتب اثنين من ثمرات الأخلاق الفاضلة؟
ج: ١- التفاح . ٢- البرتقال.
!!!
..
أغنية تتردد علي دائما .. وكلماتها ترن في مسمعي .. ( شعوب من العشاق ) لماجدة الرومي
أنا شعوب من العشاق
حنان لأجيال يقطر مني
فهل أخنق حبيبي بالحنان
وهل أجرفه كطوفان
آه من يؤلف لي الظلال
ومن يوسع لي الاماكن
فحبي لا تكفيه أوراقي
وأوراقي لا تكفيها اغصاني
وأغصاني لا تكفيها ثماري
وثماري هائلة لشجرة
حبيبي
..
ما شاالله علي .. لو فتحت حلجي ما أسكره والله
هههههههههههههههههههههههههههههههههههههههههههههههههههههههههههههههههههههههههههههههه
يالله !!!!!
اجل ثمار الاخلاق تنأكل :S
انا بابا مسميني خفاشه من زمان :S
بعد ما تزوجت تأدبت و صرت زي الناس بعدين رجعت اعتفست و السبب الجامعه !
صرت انام بعد الفجر و اقوم 7ونص وقت الدوام بالضبط
و كثير عليها
احيانا اسطل و انام العصر
نومة العصر تجيب الصداع الممزوج بالغثيان !
x______x
لوووووووول شفتي شلون !
عاد بصراحة نومة العصر فعلا فعلا متعبة .. وخاصة الصداع
بس ما نتوب !
حاول تعدّل نومتك لأن اللخبطة هذي تلخبط معاها ساعتك البيولوجية, وكل هذا له تأثير على جسمك, يمكن ما تحسّ بهالشي الحين بس شوي شوي راح تلاقي هالات سودة أو انتفاخ تحت عيونك, وحتى لما تقد من النوم تلاقي جسمك متكسّر, تأثير هالاشياء يبيّن عليك بعدين
الله سبحانة وتعالي قال (بما معناه) وجعلنا الليل سباتا وجعلنا النهار معاشا
انا مريت بتجربة هاللخبطة لما كنت أشتغل مضيّف بالكويتية, قبل لا أزهق وأطلع
هاهها
وايد حلو الآي فون الأبيض
تكسره بالعافية
والثمرات عجيبة
LOL
يا حلاتك ويا حلاة قرقتك يا اخوي
وطبعا انت الي عندك بالمدرسة لازم تألف لهم مجلد بس لا تنسى تفتتحى بابداعات حبيببي ونظر عيوني ولدي على
يعطيك العافية
الحين الأغنية ضمن إجابة الطالب يعني ؟
ع البركة كل شي حلو > بالجملة أسهل =)
:/ ياخي احيانا احسك تمثل وجهات نظري لول ..وعتبره شي عادي .. لكن احساس لطيف لما نكون متشابهين على نطاق الساعه البيلوجيه :/ .. مشكلة مرض الخفاش -هذا المسمى العلمي له بنسبه لي- ان يمثل ثقافه اجتماعيه بنسبه لنا كشباب كويتي من الجنسين .. الحل له يتكون من شقين يازوااااااااج يا الله يسلمك مشاريع عمليه يوميه مشاوير نوادي صحيه شي جذي :/ بس هااا لاتحط من بين مشاريعك دواوين لأن ربعنا إذا ساعتك البيلوجيه مفوتحه نص ساعه يخلونها مفوته عشر .. أي ديربالك وانا اخوك :/
عاد تدري على هتفلسف جامة سيارتي خربانه وعيزان اقوم ويا الوالد الصبح اقطها على القراج .. مسكين وصلت فيه لي ان يعرض علي فلوس تصليحها :/ بس عفست هنوم شي رهيب ..
وبنسبه لموضوع الثمار تقدر تتذكرلي بنية الولد متين متبتب ؟ تذكر ترى لها دخل بثقافة الجواب
حسون الملعون:
الحمدلله عدلت نومي
Ra-1:
شكرا شكرا .. انتي أحلى
أم عزوز:
أهلين أختاه .. شكرا لمرورج وتعليقج
وطبعا طبعا عليوي فلتة العايلة .. الله يحفظه لك لوووووووول
محمد:
لا شكو الاغنية مالها دخل
ومشكور على كل شي حلو
sul:
تبي الصراحة على موضوع الثمار
ترى ثلاثة مجاوبين نفس الاجابة !
والثالث مغير بدل التفاح حاط موز !
شي عجيب والله
..
سيارتك عطني الفلوس اللي عندك وانا اوديها لك لووول
انا اللي خلاني اعدل نومي اني امس كنت بالصناعية من الظهر لما المغرب
فتعدل غصب ^^
جديدة في عالم التدوين انا ،، مازلت ابحر في عالمه لأعرف على اي البحور سوف ادون
مميز قلمك اخي .. وفقك الله
عيل أبشر .. نص طلبتك بطينيه يا طويل العمر لول .. أو يمكن شوفتك ببنيتك المتروسه تفتح نفسهم على الأكل .. هو واحد من الأثنين لول
HAN:
حياج الله اختي، ورحلة ممتعة، بلغونا بافتتاح المدونة بس
: )
sul:
ها؟
يعني لما يشوفوني يصيرون زامبيز ويبون ياكلون لحوم البشر
:/
بعدين هذولي مو طلبتي.. اختبارات نهاية الفصل كل المعلمين يصححون الأوراق
:/ مشكله الي نايمين بالأفلام نوم:/ لا مو موضوع زومبي .. بس يقولون معشر المتان مثل حلاتنا يفتحون نفس خلق الله على الأكل ..
:/ يعني بتقنعني أن طلبتك أحسن منهم على مستوى الإجابات ! عموما هسن له شطحاته بغض النظر عن نوعية الطلبه
عندي ولد عمتي تقول امه انه الأول على مدرسته ! فـ في إختبار العلوم .. السؤال بما معناه عن الثديات وغيرهم فسألين البقره تتغذى من شنو او شغله جذي .. والأخ بدال لا يكتب ثديات كاتب من اسمحلي ماكتبة الكلمه كامله لأن مادري عن حدود الحريات في مدونتك
مبروووووووووووك عالسياره يعطيك خيرها و يكافيك شرها
انا بعد نومي حده ملخبط
و بالنسبه للتصليح الله يعينك
لووووووووول عاد تفاح و برتغال
hahahhaaaaaaaaaaaaai 7lwa 7lwa themar ela5la8 3jabatni waaaaiiiidddddd kkkkkkkkkkkkkkkkk
agol 3adl noumtik ma gmna nshofik ;pPp~
لوووووووووووووووووول
حلوه حلوه القرقه
الله يردك بالسلامه
you have been tagged ^_^