أحس ياتني رغبة حق القرقر .. وحبي أقرقر عليكم شوي ..

هالفترة أحسني ملخبط، نومي معتفس أنام العصر أقوم بالليل ، أظل قاعد لما أروح الدوام .. أرجع من الدوام أظل شوي ع النت حتى مالي خلق أتغدى وأحط راسي وأنام .. وهذا يومي صاير بالطريقة هذي .. ما احب جذي أبدا لأن عندي (تو دو لست) ولازم أنجزها هالأسبوع .. أتمنى هي اللي تكون الحافز لي عشان أعدل طريقتي في النوم ..

عاد تدرون المشكلة ان مرات هالروتين يخليني أسوي أمور وايد حلوة وأحبها .. لأني لما أقوم بالليل جني باتمان (ما بقول خفاش عشان بمدح نفسي لوول) ما يكون أحد قاعد فتقريبا آخذ راحتي في البيت بدون ازعاج أحد .. حتى ما ارتبط مع أي شخص .. وكذلك لو عندي شغل ما اقدر أسوي لأن كل المحلات مسكره لوول

فعموما .. بتكلم بمقتطفات عن الفترة اللي طافت ..

Read more »

SOLD

عندي هالجهاز وودي أبيعه، حاولت عرضه لكن ما ياب لي السعر اللي أبيه، واللي مهتم بالشراء ، يكمل القراءة:

الجهاز استخدمته استخدام خفيف جدا ، حتى ما حطيت عليه برامج أصلا بالأحرى ما فضيت له ! الفاتورة معاه سعره 250 دينار من سيلكوم وعليه كفالة مدتها سنة، الفاتورة تاريخها 1/10/2008م يعني صارله اربع شهور تقريبا ، وهو محطوط بالكرتون بدون استخدام، أغراضه كامله وياه .. والكيبورد انجليزي لكنه يكتب عربي وكل شي .

سعر البيع: 160 دينار سعر نهائي

اللي مهتم ووده يسأل ممكن في الموضوع أو يراسلني .. وداخل الموضوع بعض الصور :

Read more »

أعلنت قناة فوكس بأن الموسم الرابع سيكون هو نهاية مسلسل “بريزن بريك” وسيتم عرض بقية الموسم الرابع في 17 إبريل ، التي هي عبارة عن ٤ حلقات وفيه مجال ان يكون فيه زيادة .

“The show just played out,” says Fox entertainment president Kevin Reilly. “Creatively everybody feels enough stories were told … we want it to finish strong and not just gimp out next season.”

طبعا .. اشوف ان القناة عطت المسلسل فرصة بالموسم الرابع، لكن للأسف كل اللي حصل انه آثبت تراجعه وفشله ، القصة ماتت بعد الموسم الثاني .. ومن شاف الموسم الرابع يشوف كيف كان مدى الفشل اللي وصل له المسلسل اللي حتى اني استخسرت أكتب فيه ريفيو !

Source

شاهدت هذا الفلم قبل يومين في السينما، لذا من يجد الفرصة للذهاب ومشاهدته ، فلا يضيع على نفسه الوقت .. أو انتظر نسخة الدفيدي للفلم بحرارة !

يجب أن يعرف من لا يعرف أن الفلم من إخراج المخضرم كلينت إيستوود الذي لا تخيب أفلامه إلا نادرا ، ومن بطولة المتميزة متى ما أرادت أنجلينا جولي ، الذي أدت في هذا الفلم أداء مبهر جدا وبشكل خلاب فعلا ، يجعلك تتعاطف حتما مع قصة “كرستينا كولنز” وابنها المفقود !

الفلم ينطلق من قصة واقعية حدثت في نهاية العشرينات في سنة 1928 تحديدا ، في ذلك الوقت المميز في التاريخ ، يتحدث عن قصة اختطاف الطفل “والتر كولينز” من أمه الوحيدة “كرستينا” التي تربيه لوحدها دون أب، الأم التي تعمل في الصباح وتأتي في الليل لتكمل عنايتها بولدها .. تلك الأم التي ليس لها هم في حياتها سوى ولدها، حتى أنها لم تكن مهتمة أبدا بالترقية التي حصلت عليها من عملها التي بشرها بها مديرها أثناء خروجها من العمل .. بدت غير مهتمة بتاتا ، والسبب أنها مسرعة وفي عجلة من أمرها حتى تعود إلى طفلها .. في تلك الليلة المشئومة !

Read more »

دخول الحمام مش زي خروجه ، انطلاقا من هذا المثل العتيق والحكمة الضالة : P قام المصمم “هايكون دينج” ( ترى هذا اسمه الصجي مو طنازة لوول ) بتصميم هذا الاختراع اللي يفيد وبشكل كبير الناس اللي تحاتي وزنها ! (ايه اقصد البنات لوول) وهو عبارة عن كرسي ينحط على المرحاض ويقيس لكم الوزن قبل البتاع وبعد البتاع لوول

شاهدوا الصور .. وحمام الهنا لوول

Read more »

وصلني هالتاق من معاذ .. وقلت يالله شورانا نجاوب لووول

RULES
a) list 10 things about yourself- make it interesting, even if you have to dig deep!
b) pass the award on to 7 bloggers that you feel embody the Honesty Spirit.

١- انا خريج كلية الشريعة ، ماني ندمان على التخصص لكن لو رجع فيني الزمن كنت أتمنى أتخصص في الديزاين ، وان ما حصل في ادارة الأعمال .

٢-أكره وايد قراءة الجرايد والمجلات ، وأكره السياسة بشكل كبير جدا جدا، لكني مع ذلك أعيش في الجو العام وعندي خبر اللي يصير وما يصير وأحب دايما أكون لي وجهة نظر خاصة فيني ، ما تكون متأثرة بكلام فلان وعلان .. بالأخير ما أحرص أبدا على متابعة هالأمور نهائيا .

٣- مغرم جدا بأمور كثيرة: الشعر العربي، أحب أقرأ لنزار قباني ومؤخرا فاروق جويدة يأسرني جدا ، وأحب الأفلام وعالم السينما السيناريو والقصة قبل أي شي وفيه بعض الممثلين تحب تشوفهم وهم يمثلون يصيبوني بحالة من الدوار خصوصا إذا الشخصية لامستني .

٤- من التوب لست اللي من الشغلات اللي ودي أسويها في حياتي واللي بسويها: الغوص ، والسكاي دايفينج بعد ، وحتى اللعبة اللي يحذفونك من فوق لما تحت اللي موجودة بالشعب راح أركبها ناس ناطر واحد يقولي فوقه لووول .. ودي أتعلم أمور وايد وأسوي شغلات وايد بس أحس اني أحتاج أحد معاي ما ودي أسويها بروحي.

Read more »