أصدر مكتب التأمين الوطني تقرير عن أكثر السيارات سرقة في أمريكا وهذا في عام 2007 ، ايه حطوا بالكم على سياراتكم خصوصا اللي في القائمة عاد ما قال التقرير السبب في هالبوقات هل فيها عيب تصنيعي ولا عاجبهم الشكل لوووول .. اهم شي سيارتي العزيزه مو وياهم << اصلا ودي تنباق وافتك منها لووول
شوفوا القائمة ..
عشنا وشفنا روبوت يتحرك ويمشي وممكن يتكلم .. بس روبوت يطامر ، ومسوينه من بطول السفن اب ! هذي يديده لوووول .. يقولكم ان طلبة في جامعة سيول الوطنية بكوريا الجنوبية صمموا روبوت من علب المشروبات الغازية باستطاعته القفز على الاماكن المرتفعة بواسطة سينسر مركب داخله يساعده انه يكتشف اللي جدامه ويحسب المسافة وبالاخير يطمر فوقها … شوفوا المقطع
ظهر من ديزني أول عرض لفلمهم الكارتوني القادم “الأميرة والضفدع” واللي راح ينعرض 25 ديسمبر 2009 ، الفلم مثل ما يقولون يعرض اول “أميرة” سمرة البشرة اسمها تيانا ، طبعا يقصدون بهالشي اللي هم من أصل أفريقي أمريكي “يبين هالشي من طريقة كلامها” ولا على البشرة شفنا ياسمين مع علاء الدين لكن المفروض ان أصولها عربية ، يذكر ان العاملين على العمل هم نفسهم اللي اشتغلوا على “حورية البحر و علاء الدين وهرقل” … شاهدوا التريلر
في حوار حصل مع مخترعي لعبة “Mortal Kombat vs. DC Universe” واللي ما تحدد لها تاريخ صدور الى الان ، قالوا انهم يتمنون فيما لو نجحت فكرة دمج هذي العوالم مثل ما هو حصل في لعبتهم ، انهم يطلعون اصدارات يديده يدمجون فيها عوالم اكثر ‘MK vs. Street Fighter vs. Tekken vs. Virtua Fighter’ ، يعني نتخيل ريو من ستريت فايتر ضد ضد سكوربيون .. بيطلع شي حلو ، وشخصيا ما ودي نسبق الاحداث قبل ما نشوف النتيجة من اللعبة الموجودة حاليا ، وان كان التفكير زين ، ولو شفنا ان اللعبة الحالية صار فيها تطوير من ناحية الجرافيكس العالي وطريقة اللعب والانتقال من مكان الى مكان ، حتى انهم رجعوا الحركات القاضية اللي تكون في نهاية المعركة مثل كا كانت موجودة في الاجزاء القديمة من مورتال كومبات .. شاهدوا المقطع
يوم الثلاثاء وموعدنا مع الاعلانات ، اليوم عندي لكم كمية كبيره من الاعلانات الروعه ، وهي كالتالي:
- اعلان حق الكورفيت ، وفكرة الاعلان تبين قوة الموتر .
- اعلان OREO فكرتهم تطبيقية أكثر من انها على ورق ، تحصلون انهم حاطين كوب حليب على الارض أسفل الاصنصير “اللفت” وكوكي الاوريو معلقه فيه فلما ينزل الاصنصير تدخل الكوكي في الكوب . ممكن تشوفون الفيديو عشان تتضح الفكره اكثر .
هذا عرض للانيمشن Fly Me To The Moon وهو فلم جديد سيعرض في الثامن من أغسطس ، ومن انتاج شركة Summit Entertainment في أول تجربة لهم في الانتاج الكرتوني ، وان كانوا انتجوا من قبل أفلام معروفة مثل Babel, Memento, Mr & Mrs Smith, Perfume and Resident Evil .
ما علينا قصة الفلم تحكي عن ثلاث ذبانات يصعدون على متن رحلة Apollo 11 المتجهة للقمر ، شاهدوا المقطع ..
وانا احوس بالنت تصادفني مواقع وايد حلوة بأفكارها وبعضها مشهورة وايد ، بس العيزه انك تجربها ، عاد اليوم ليش احس اني قايم من النوم بنشاطي ، قلت اجرب واحد من هالمواقع واكتب عنه بوست ، الموقع هذا اسمه TADA List وهو جدا مفيد وحلو ، يساعدك انك تسوي قائمة TO DO وهي الأشياء اللي ودك تسويها ، ولك مطلق الحرية طبعا في عمل القوائم بدون عوائق ، مثلا: أمور ودي آنجزها هذا الصيف ، مخطط سير سفرة لندن ، شغلات ودي أشتريها حق عرس فلانه وعلانه ، كتب لازم أقراها … الخ وانت ماشي مع القوائم واللستات اللي ودك تسويها .
هالفيديو اللي بتشوفونه يصور معاناة كبيرة جدا ، وهالشي عموما منتشر بشكل كبير عندنا في الاوساط العربية ، تدخل اللي يفهم بشي ما يفهمه .. شوفوا مراحله كيف يبدي وشلون ينتهي ..
الشكل اللي تشوفونه فوق .. مش صورة لقطرة تم التقاطها بشكل سريع مثل ما تشوفونه بكثير من الصور ، بالعكس هذا شي حقيقي مصنوع ! وهو عبارة عن ” كوب ، دولكه او إناء مع صينية ” !!
اي .. كل هالأمور تشوفونها بالشكل اللي في الصورة ، مقسمه بالطريقة التالية : الكوب هو أعلى شي في شكل القطرة وماخذ نصها ، الدولكه وهي بقية القطرة وصولا الى الموجات ، والصينية اللي هي بالفعل الموجات في الأسفل .
الصور راح توضح لكم الشكل بشكل كبير ..
وبعد مرور شهر من عرض الفلم في السينما ، تصدر في الانترنت نسخة R5 من الفلم ، وهي للي ما عنده فكرة أقرب نسخة من ناحية الصورة للديفيدي ، يعيبها صوتها يكون فيه صدى وبعض التشويش ، لكنها بالتأكيد أحسن من نسخ الكام .
النسخة نزلت من جروبين iVE و KAMERA واحسن نسخة نزلت من KAMERA الصوت فيها شوي احسن ، غير ان حجمها سيديين 1.37 GB
عاد انا أول ما شفت النسخة نزلت ، قلت أشوه انه نزل النت ولا كنت بروح اشوفه بالسينما هالاسبوع - نفس بعض الناس - ومقطع ونص السالفه مو عارفها .. عموما تفضلوا رابط تحميل التورنت..