أرجع معاكم بعد انقطاع لتغطية أهم أحداث معرض E3 اختصارا لـ Electronic Entertainment Expo ، وهذا الموضوع لتغطية مؤتمر مايكروسوفت، اللي فجرت فيه “بلاوي” مثل ما سوت في المؤتمر السابق، ونحن بانتظار رد سوني وناينتدو غدا في مؤتمرهم، وتفضلوا أهم الأحداث الصاخبة !
رحت أمس وشفت أول فلم كنت أنتظره لأفلام هذه السنة، كان ودي أشوف فلم روسل كرو State of Play لكن مو متحمس له مثل فلم توم هانكس، واللي للأسف كان خارج عن توقعي الشخصي، كنت أظن انه بيتغير عن “دافينشي كود” لكن أشوفه طلع بنفس مستواه إذا مو أسوء ..!
أولا شخصيا أنا ما قريت الكتاب لكن تقييمي هذا للفلم نفسه، الفلم عموما كقصة أشوفه ماخذ منحنى بوليسي وتحقيق جرائم وألغاز بشكل تقليدي جدا، لكنه أساسا بإطار تاريخي ثقافي يعتمد على التاريخ والرموز ، فيعطيك انطباع جديد حوله .
نعم ، أعتقد هذا الشيء ! بعد المدة التي استغرقتها في التدوين ، اكتشفت أنني أفضل “الخلاصة” أو “الزبدة” بدل الكلام الطويل ..
خدمة تويتر تمثل التدوين المصغر مثل ما يوضحون هالشي، من أول ما بدأت باستخدامه وأنا ما انقطعت عنه أبدا ، لأنه سهل وخفيف وسريع، وبإمكانك من خلاله تتابع أخبار أصدقائك ومن حواليك، وتقدر تشاركهم هالشي كذلك، سواء كان هالشي من خلال صور أو مقاطع أو لنكات أو أي شي .. كل هذا وما يتعدى الـ 140 حرف !
على عكس التدوين اللي بديت أحسه ثقيل شوي ، وصعب متابعته ، تويتر عكسه بإمكانك انك تتابع الآلاف من حواليك بدقايق ، وكذلك ممكن أي شي تكتبه الكثير يتابعه ويقراه ويعلقون عليه، غير انك تحصل الرد بأسرع وقت ممكن !
تقدر تستخدم تويتر استخدام شخصي، اخباري ، تقني ، تجاري لو حبيت .. عموما .. هذي دعوة مني للـ توتير لوول بتلاقون فيديو يشرح لكم الفكرة بشكل مختصر، عني شخصيا لعلي أترك هالبلوق للأمور اللي تحتاج الكلام الكثير والفضفضة بشكل موسع ..
بإمكانك متابعة حسابك في تويتر عن طريق متصفحك بدون ما تفتح الموقع ، وعن طريق الكمبيوتر نفسه لو حبيت ، وفيه برامج وايد للموقع ممكن تنزلها على تلفونك.. اللي حاب ووده يجرب بيستانس عليه ، التواصل أسرع وأحلى .. وحسابي موجود على اليمين للي حاب يتواصل : )
Tagged by Jouja via facebook and since i didn’t write anything lately .. so there it is : D
LAST THINGS:
1. Last beverage ; water.
2. Last phone call ; My sis.
3. Last instant message ; don’t know
4. Last song you listened to ; Al7ob Almosta7eel - Kathem AlSaher
5. Last time you cried ; i don’t remember :/
6. Last text message ; AlRai News
HAVE YOU EVER:
7. Dated someone twice ; no :/
8. Been cheated on ; no
9. Kissed someone & regretted it ; no
10. Lost someone special ; yes
11. Been depressed ; yes
LIST THREE FAVORITE COLORS:
12. black
13. white
14. gray 
يعرض حاليا على قناة فوكس موفيز، حفل الأوسكار لعام 2008 ، القناة أعلنت الحفل راح يبدا الساعة الواحدة صباحا، لكنه ما بدأ إلا بعد ساعة ونص، وكان وقتها الريد كاربت اللي أخذ تقريبا ساعة ونص ، وبعدها بدأ الحفل .. وسأبدأ بوضع الفائزين بأهم الجوائز .. اللي إلى الآن أتوا حسب توقعاتي ..
أفضل ممثلة مساعدة:
بينلوبي كروز .. عن فلم Vicky Cristina Barcelona
أفضل نص أصلي:
Milk
أفضل نص مقتبس:
Slumdog Millionaire
أفضل أنميشن:
بدون كلام Wall-E
أفضل ممثل مساعد:
بدون كلام .. هيث ليدجر .. عن فلم The Dark Knight
أفضل جرافيكس ومؤثرات:
بينجامين باتن
أفضل مخرج:
داني بويل .. مخرج سلم دوق مليونير
أفضل ممثلة:
كيت وينسليت
أفضل ممثل:
شين بين
طبعا أفضل فلم أتوق
طبعا بيكون حق سلم دوق مليونير .. ما اقدر اكمل لاني بروح الدوام لوووول
تحديث:
مثل ما توقعت جائزة أفضل فلم .. من نصيب
Slumdog Millionaire
في هذه المقالة لا أود فقط طرح ترشيحاتي الشخصية للأوسكار، لكني أود التحدث بشكل أوسع عن أفلام العام وتعليقات سريعة على الأفلام المرشحة ..
بداية يجدر بي القول بأن هذه السنة أظهرت لنا أفلاما تاريخية أراها أنها ستبقى خالدة وباقية في قلوب كل عشاق السينما ، وكانت المنافسة محتدمة وشديدة بالفعل ولأول مرة أرى أن ترشيح خمسة أفلام للأوسكار يبدو قليلا ، فعلا خمسة لا تكفي .. الكثير يستحق شرف الترشيح !
ترشحيات هذا العام، كانت متوقعة منذ بدأ موسم الجوائز .. هناك جوائز منذ وقت حجزت مقعدها للفوز ومن الصعب التنافس عليها ، وهناك فعلا كما تفعله الأكاديمية سنويا خيبات ظن كبيرة ، لا أدري أهو فقط خروج عن المألوف أو لإحداث صجة بين الناس !
ما أدهشني فعلا هو خروج فلم “الفارس الأسود”The Dark Knight من الترشيحات ! الأمر الذي يجعلني أشكك فعلا في الحالات العقلية للجنة الترشيح ! هذا الفلم .. الذي قام بنقلة نوعية في تاريخ السينما وفي عالم السوبرهيروز وأفلام الجريمة.. الفلم الذي زحزح مكانة “العراب” في تاريخ السينما، لا يستحق الذكر في أهم ترشيحات الأوسكار ! فعلا أمر مشين وبغيض ..! وأقدم تعزياتي الخالصة للمبدع المتميز كريسترفر نولان وأقول له : لا تأبه بهم.. فنحن نعلم أنك تستحق الكثير والمزيد !
( تنبيه: الموضوع جدا طويل، بإمكانك قراءة التعليق عن الفلم الذي تفضله ..)
مساكم أو صبحكم الله بالخير، مر يوم بالضبط من رجعت من السفر، فالحمد لله على سلامتي
اللي وده يشوف أكشنات السفرة يشوف بلوج معاذ، مافيني شدة أكتب.. بس حطوا بالكم اللي يبي يسافر وياه، ياخذ غرفة مفصولة عن الولد لانه كلش ما يشخر ووايد هادي لما ينام.. فعشان لا تزعجه خلك مبتعد عنه احسن لوووول
على أية حال .. هذا تاق من Aurous .. وتاق الجرمبي .. شوفوا الشغلة المزعجة عاد لوول
The Rules:
Put a picture of any grumpy person.
Then Mention:
3 things that are just abnormal.
2 things that irritate you.
1 trigger to your anger.
3 people you can’t live without.
2 of people you don’t want to see.
1 of your favorite foods.
3 of your favorite songs.
Tag only 5 people.
أحس ياتني رغبة حق القرقر .. وحبي أقرقر عليكم شوي ..
هالفترة أحسني ملخبط، نومي معتفس أنام العصر أقوم بالليل ، أظل قاعد لما أروح الدوام .. أرجع من الدوام أظل شوي ع النت حتى مالي خلق أتغدى وأحط راسي وأنام .. وهذا يومي صاير بالطريقة هذي .. ما احب جذي أبدا لأن عندي (تو دو لست) ولازم أنجزها هالأسبوع .. أتمنى هي اللي تكون الحافز لي عشان أعدل طريقتي في النوم ..
عاد تدرون المشكلة ان مرات هالروتين يخليني أسوي أمور وايد حلوة وأحبها .. لأني لما أقوم بالليل جني باتمان (ما بقول خفاش عشان بمدح نفسي لوول) ما يكون أحد قاعد فتقريبا آخذ راحتي في البيت بدون ازعاج أحد .. حتى ما ارتبط مع أي شخص .. وكذلك لو عندي شغل ما اقدر أسوي لأن كل المحلات مسكره لوول
فعموما .. بتكلم بمقتطفات عن الفترة اللي طافت ..
عندي هالجهاز وودي أبيعه، حاولت عرضه لكن ما ياب لي السعر اللي أبيه، واللي مهتم بالشراء ، يكمل القراءة:
الجهاز استخدمته استخدام خفيف جدا ، حتى ما حطيت عليه برامج أصلا بالأحرى ما فضيت له ! الفاتورة معاه سعره 250 دينار من سيلكوم وعليه كفالة مدتها سنة، الفاتورة تاريخها 1/10/2008م يعني صارله اربع شهور تقريبا ، وهو محطوط بالكرتون بدون استخدام، أغراضه كامله وياه .. والكيبورد انجليزي لكنه يكتب عربي وكل شي .
سعر البيع: 160 دينار سعر نهائي
اللي مهتم ووده يسأل ممكن في الموضوع أو يراسلني .. وداخل الموضوع بعض الصور :
أعلنت قناة فوكس بأن الموسم الرابع سيكون هو نهاية مسلسل “بريزن بريك” وسيتم عرض بقية الموسم الرابع في 17 إبريل ، التي هي عبارة عن ٤ حلقات وفيه مجال ان يكون فيه زيادة .
“The show just played out,” says Fox entertainment president Kevin Reilly. “Creatively everybody feels enough stories were told … we want it to finish strong and not just gimp out next season.”
طبعا .. اشوف ان القناة عطت المسلسل فرصة بالموسم الرابع، لكن للأسف كل اللي حصل انه آثبت تراجعه وفشله ، القصة ماتت بعد الموسم الثاني .. ومن شاف الموسم الرابع يشوف كيف كان مدى الفشل اللي وصل له المسلسل اللي حتى اني استخسرت أكتب فيه ريفيو !
Loading ...